Afrískur kjúklingaréttur

1-2 msk púðursykur

1 tsk paprikuduft

3 stk hvítlauksrif

2 stk laukur

4 tsk madras karrí

3-4 kjúklingabringur

1/2 tsk kanill

1-2 msk olía

2 tsk cumin

Ofan á:

1 stk Banani

2 sneiðar ananas

20 g kókosmjöl

1/2 stk rauð paprika

1/2 stk græn paprika

Sósa:

3 msk saltminni sojasósa (ef venjuleg þarf að minnka magn)

400 g niðursoðnir tómatar

200-300 g ab mjólk/ grísk jógúrt

1 tsk edik

1 tsk pipar

Skerið bringurnar í litla bita og léttsteikið á pönnu upp úr 1 teskeið af olíunni.

Bætið við hvítlauk og lauk til að mýkja í afgangi olíunnar, blandið þurra kryddinu saman við og hitið með lauknum og kjúklingnum í u.þ.b. mínútu. Blandið öllum innihaldsefnum sósunnar út á pönnuna nema jógúrtinni.

Sjóðið í 20 mín við vægan hita.

Lækkið undir, látið jógúrtina út í og leyfið henni að hitna aðeins með sósunni án þess að sjóða.

Ofan á:

Þurrsteikið kókosmjölið, sneiðið bananann og bætið út í kókosmjölið ásamt paprikuræmunum.

Skerið ananasinn í litla bita og bætið út á pönnuna í lokin.

Berið fram í fallegu djúpu fati og látið kókosblönduna yfir réttinn fyrir framreiðslu.

Berið fram með hrísgrjónum og salati.