Appelsínukjúklingur

3 kjúklingabringur

1 1/2 msk maísmjöl (cornflour)

1 msk sesamolía

4 hvítlauksgeirar

2,5 cm engiferrót

2 vorlaukar til skreytingar og smá sesamfræ

Sriracha piparsósa fyrir þá sem vilja

Sósan:

1/3 bolli nýkreistur appelsínusafi (2 appelsínur)

1 tsk fínt rifinn appelsínubörkur

1/4 teningur kjúklingakraftur, mulinn

2 msk sojasósa

2 msk sykur

1 msk Shaoxin kínverskt hrísgrjónavín (eða sherry)

1 msk hrísgrjónaedik

1/4 tsk hvítur pipar

2 tsk maísmjöl

1-4 msk vatn (eftir þörfum)

Mjög mikilvægt að hafa allt tilbúið áður en byrjað er að elda þar sem eldamennskan sjálf tekur örfáar mínútur og enginn tími gefst til að skera eða blanda á meðan verið er að steikja matinn.

Sósuna á að blanda í skál og setja til hliðar.

Skerið kjúklinginn smátt og veltið upp úr maísmjöli. Steikið kjúklinginn upp úr 2/3 af olíunni og takið til hliðar þegar kjúklingurinn er steiktur í gegn.

Steikið hvítlauk og engifer í afganginum af olíunni í 1 mínútu og bætið við sósunni ásamt kjúklingnum. Gott er að hræra rösklega í sósunni áður en hún er sett út á pönnuna þar sem maísmjölið á það til að safnast í klump í botni skálarinnar ef það fær að standa of lengi.

Leyfið sósunni að þykkna og berið fram með soðnum grjónum, sneiddum vorlauk og sesamfræjum.