Buffalo kjúklinga kartöflubátar

4 bökunarkartöflur

1/2 kubbur kjúklingakraftur

1/2 dl vatn

1/2 msk ranch dressing mix

100 g rjómaostur

1-4 msk Franks hot sauce

2 eldaðar kjúklingabringur

50 g rifinn ostur

Borið fram með:

smá ranch dressingu eða gráðaostasósu

2 sellerírif, skorin i stöngla

1-2 gulrætur, skornar í stöngla

Klipptur graslaukur

Hitið hverja kartöflu í örbylgjuofni í 5 mínútur.

Skerið í tvennt og skafið megnið af kartöflunni úr hýðinu (skilja eftir 3-4 mm). Setjið smá ólífuolíu, salt og pipar á hýðið og baka í ofni við 220°C í 10 mín.

Setjið vatn, kraft og ranch dressing mix í pott og hitið að suðu. Bætið rjómaosti út í pottinn ásamt buffaló sósu. Hita aftur að suðu, bæta við kjúklingi og setja kartöflumaukið saman við.

Fyllið kartöfluhýðin með kjúklingafyllingu, stráið osti yfir og bakið í 5 mín í viðbót. Berið fram með ranch dressingu, þunnt skornum gulrótum og sellerístönglum.

Klippið graslauk yfir herlegheitin.