GF Kanilsnúðar

Hveitibolla:

2 msk GF hveiti

3 msk vatn

3 msk mjólk

Deigið:

180 ml mjólk, volg

1 tsk sykur

2 tsk þurrger

450 g GF hveiti

65 g sykur

1 1/2 msk psyllium husk

1 1/2 tsk lyftiduft

1/2 tsk salt

60 g brætt smjör

1 egg

Fylling:

50 g smjör, brætt

2msk mjólk

50 g púðursykur

2 tsk kanill

Byrjið á að gera hveitijafning með því að hita innihaldsefnin í potti á meðan hrært er rösklega í blöndunni. Um leið og blandan byrjar að þykkna má slökkva undir pottinum og taka af hitanum.

Í lítilli skál má leysa upp gerið í volgri mjólkinni ásamt 1 tsk af sykrinum. Leyfið gerinu að freyða í 5 mínútur.

Í hrærivélarskálinni má blanda saman þurrefnum áður en gerblöndunni, hveitijafningnum og egginu er hnoðað saman við.

Fletjið deigið út á smurðan bökunarpappír eða smurða sílikonbökunarmottu. Deigið er klístrað svo best er að nota smurða sleikju til að dreifa úr deiginu. Reynið að ná deiginu upp í u.þ.b. 25x45 cm.

Blandið saman fyllingunni og dreifið úr henni yfir deigið.

Rúllið deigið upp frá langhliðinni til að mynda langa upprúllaða pylsu. Skerið rúlluna í 9 jafna hluta og leggið þá í bökunarform með skurðhliðina upp.

Setjið formið í kaldan ofninn og stillið á 100 °c. Leyfið snúðunum að hefast í 20 mínútur áður en ofninn er stilltur á 175°c.

Bakið í 30-40 mínútur.

Þegar snúðarnir hafa kólnað má setja glassúr eða rjómaostakrem yfir.