Lagterta með sultu
500 g hveiti
250 g sykur
1 tsk lyftiduft
1 tsk matarsódi
1/4 tsk salt
250 smjör eða smjörlíki
3 stór egg
1 tsk vanilludropar
Byrjið á því að vinna saman kalt smjör, sykur, lyftiduft, matarsóda, salti og hveiti. Bætið síðan við vanilludropum og eggjum. Hnoðið deigið vel saman og skiptið því síðan í tvennt.
Fletjið út hvorn deighluta fyrir sig á bökunarpappír í jafn stóra ferninga.
Bakið botnana við 175°C í 15-20 mínútur. Gætið þess að botnarnir verði ekki of dökkir.
Látið botnana kólna alveg áður en þeir eru skornir í tvennt langsum og smyrjið sultunni á þrjá þeirra. Leggið botnana saman og vefjið kökuna þétt í plastfilmu. Leyfið kökunni að standa í nokkrar klukkustundir til að sultan nái að mýkja upp kökuna og hægt sé að skera hana. Kakan geymist vel í frysti.