Pestó brauð

1 tsk þurrger

1 tsk sykur

290 ml ylvolgt vatn

400 g brauðhveiti

1 tsk salt

2 msk grænt pestó

70 g furuhnetur

Byrjið á að leysa ger og sykur upp í vatninu. Leyfið gerblöndunni að standa í 10 mín.

Blandið út í hveiti, pestó, salti og furuhnetum.

Hnoðið og leyfið að lyfta sér í a.m.k. 30 mínútur.

Hnoðið deigið aftur og setjið í smurt brauðform. Látið brauðið lyfta sér aftur í 30 mín og bakið síðan við 200°C í 20-30 mín eða þar til brauðið hefur tekið fallegan lit.

Að sjálfsögðu er hægt að baka brauðið í brauðvél en þá er best að nota hefðbundna brauðstillingu.