Pistasíukjúklingur í air fryer

Pistasíukjúklingur í air fryer

2-3 kjúklingabringur

100 g pistasíukjarnar, saltaðar

1/2 tsk cumin

1 tsk kóríander

1 msk sesamfræ

1 egg

hlynsíróp

örlítið salt og pipar

Byrjið á að mala pistasíukjarnana í matvinnsluvél í grófa mylsnu.

Blandið saman í skál pistasíumylsnunni ásamt sesamfræjum, cumin og kóríander.

Í annarri skál má slá saman eggið.

Forhitið air fryer í 200°c.

Skerið kjúklingabringurnar í tvennt til að fá jafnar steikur.

Dýfið hverri kjúklingasteik í eggjablönduna og því næst í pistasíumylsnuna.

Úðið örlítið af olíu á kjúklinginn og leggið í air fryer körfuna.

Steikið í 8-12 mínútur eða þar til kjarnhitinn í kjötinu nær 70°c.

Blandið saman hlynsírópi og örlitlu af salti og pipar í lítilli skál. Penslið sírópinu á fulleldaðan kjúklinginn áður en borið er fram.

Gott er að bera fram með soðnu kúskúsi og fersku salati.