Tottenham kaka
Þessi kaka er þekkt í Englandi sem Tottenham cake en sagan segir að árið 1901 hafi svona kökur með bleikum glassúr verið bökuð og gefin börnum í tilefni sigurs fótboltaliðsins í Norður London. Burtséð frá fótbolta er kakan enn í dag vinsæl í Englandi og ekki að ástæðulausu.
150 g mjúkt smjör eða smjörlíki
150 g sykur
3 egg
150 g hveiti
1 tsk vanilludropar
1/2 tsl lyftiduft
1/4 tsk salt
Glassúr:
200 g flórsykur
nokkrir dropar rauður matarlitur
2-3 msk kalt vatn
1 msk kókosmjöl fyrir toppinn á kökunni
Forhitið ofninn í 180°C.
Byrjið á að vinna vel saman smjör og sykur. Bætið við eggjunum, einu í einu og þeytið vel á milli. Setjið vanilludropa, hveiti, salt og lyftiduft út í skálina og hrærið saman með sleif.
Setjið deigið í bökunarpappírsklætt form (ég notaði 21 x 21 cm form).
Bakið kökuna í 25-30 mínútur eða þar til prjónn sem stungið er í miðju kökunnar kemur hreinn út.
Látið kökuna kólna alveg áður en þykkum glassúr er smurt á kökuna.
Stráið kókosmjöli yfir kökuna.
