Humar tagliatelle

4 hreiður tagliatelle, (um 120 g)

100-200 g skelflettur og hreinsaður humar

1 askja kirsuberjatómatar

nokkur blöð ferskt basil, skorið í strimla

1 tsk ólífuolía

1 msk smjör

1 lauf hvítlaukur, skorinn í örþunnar sneiðar

1 msk chipotle mauk

örlítill ferskur sítrónusafi

1 msk rifinn parmesan

Byrjið á að sjóða pasta eftir leiðbeiningum.

Skerið tómatana í tvennt, sneiðið hvítlaukinn í þunnar sneiðar eða rífið hann fínt. Leggið nokkur basilikublöð saman og skerið í strimla.

Sigtið soðið pasta og takið til hliðar.

Hitið olíu á pönnu og bætið hvítlauk, smjöri, humri og tómötum út á pönnuna. Steikið í 1 mínútu og setjið síðan basil og chipotle mauk ásamt salti og pipar. Steikið þar til humarinn er fulleldaður og setjið þá pastað út á pönnuna.

Hitið í 1 mínútu. Setjið á diska, rífið parmesan yfir og kreistið örlítið af sítrónusafa yfir. Dreifið örlitlu af fersku basil yfir.