Karrí rækjur
Nokkrar stórar rækjur
2 tsk olía til steikingar
grænn eða rauður chili til að toppa réttinn þegar borið er fram
sósan:
1 tsk bragðlítil olía
1/2 laukur, fínt skorinn
2 hvítlauksrif, rifin
1 tsk engifer
1 tsk cumin
1 tsk paprika
1 tsk kóríander
1 tsk karríduft (ég nota korma karrí)
1/2 tsk gróft salt
1 1/2 tsk turmerik
klípa af cayenne
250 ml passata (hálf ferna)
1 dl kókosmjólk
1 dl vatn
Byrja á að mýkja laukinn í 1-2 tsk af olíu og bæta síðan við kryddum og hvítlauk og steikja í 1 mín í viðbót. Bæta út á pönnuna passata og vatni. Leyfa sósunni aðeins að krauma áður en kókosmjólkinni er bætt við og soðið þar til þykktin er ásættanleg (fer eftir smekk).
Á annari pönnu má hita tsk af olíu og steikja rækjurnar í 1 mín á hvorri hlið. Í lokin er rækjunum skellt aðeins í sósuna og borið fram með grjónum og ferskum chili.