Bakaður satay kjúklingur með trönuberjum

6-8 kjúklingalæri

200 g hrísgrjón, t.d. Arborio

200 ml hvítvín

500 ml kjúklingasoð

salt og pipar eftir smekk

4 stk vorlaukar

4 lauf hvítlaukur

4 msk þurrkuð trönuber

Sósa:

1 msk hnetusmjör

3 msk soja sósa

2 msk msk hrísgrjónaedik

1 tsk púðursykur

1/2 tsk chiliflögur

1 tsk sesamolía

Skerið vorlaukinn í 1 cm bita og sneiðið hvítlaukinn í þunnar sneiðar.

Blandið inninhaldsefnum sósunnar í skál og setjið til hliðar.

Stillið ofninn í 190°C.

Á meðan ofninn hitnar má salta og pipra kjúklingalærin og steikja þau á pönnu.

Takið steiktu lærin af pönnunni og setjið á disk.

Bætið hvítlauk og vorlauk á pönnuna og steikið í 1 mínútu, bætið síðan þurrum hrísgrjónum út í og steikið aftur í 1 mínútu. Hellið hvítvíni á pönnuna og látið malla í 2 mínútur til viðbótar.

Bætið næst kjúklingasoði, sósu og trönuberjum út í. Hitið að suðu og hellið síðan grjónablöndunni í eldfast mót. Leggið elduð kjúklingalærin ofan á grjónin og setjið í ofninn.

Bakið við 190°C í 30 mínútur.